سلام عليكم معاكم بنيه عمرها ١٩ من البحرين وحيده امي و ابوي واجهت اشياء وايد بحياتي بعمر صغير مثل الاغتصاب و التنمر و الكره و حتى صدمات
ابوي توفى وانا بعمر الخمس سنوات امي اخذوها المصحه لمده ثلاث سنوات لان كانو يفكرونها مريضه نفسيه و فيها شي براسها انتقلت للمغرب عند اهل امي واجهت اشياء سيئه مثل الضرب و الحقد و كنت اربي طفل وانا بعمر ٩ و انظف البيت و طلعوني من دراستي بعد الثلاث سنوات طلعو امي و جت للمغرب عشان تاخذني الامارات و نعيش هناك .
بعدها امي تزوجت واحد تعرضت للاغتصاب منه و الحمدالله مافقدت عذريتي و انسجن و سببلي هالشي صدمه طول عمري بعدها بدات اكبر و امي جتها مرض ( الذئبه الحمراء ) صرت احس انه قام ياثر على راسها يعني اشوف انسانه ثانيه مش امي ابدا و حتى المستشفى جابولها اخصائي نفسي و يعطونها حبوب عشان تهدى او تنام ف بعدها صارت تضربني و تعنفني مثل تحرقني بحديد علنار او تربطني و تخليني بالغرفه و تسكر الباب ولا تخليني اصاحب احد ابدا ولا اطلع مكان وانا والله ثم والله ما اغلط فشي عشان تسويلي جذي و دائما تشك فيني على ولاشي اقسم بالله العظيم م حضنتني يمكن من سنين لدرجه ماذكر متى صدق تعبت من كل شي حوليني احيانا احس ودي اموت لو كان الانتحار حلال، بس مع ذلك امي جاها فشل كلوي و ناويه اني اعطيها كلى من عندي حتى لو سوتلي كل هذا لان مهما صار تراها امي …… و ترا قصتي اطول عن جذي بس وايد طولت
اتمنى احد يقرا قصتي لاني احتاج مساعده او بس شخص يسمعني.
فامان ألله.
