مرات احس ان الحياه مو واقع احس وكأنها قيم مو قادره اخذها بجديهه أهـلي الناس من حولي وكأنهم بوتات وانا اللاعب الوضع يخوففف يعني تخيلوا بكره عندي كويز م اذاكر لان اشوف عادي بسوي ريستارت لليوم الي فيه الاختبار ! انا مو سايكو صح؟
وغير موضوع الواقعيه حرفيااا الكسل تربع بحياتي الله ياخذه مو قادره انجز شيء اخاف معدلي يتدهور وربي مو قادره اذاكر ابدا اسمعوا انا ذكيه ماشاء الله علي اجاوب جدعنه مرات مع الدكتور وتطلع ايجابتي صح حتى بالمتوسط كنت الكتب كلها أصمها لو تسألني عن الصفحات اقول لك بس من بعد ما دخلت الثانوي وتحديدا بعد وفاة ابوي الله يرحمه خلاص ضيعت نفسي وضيعت حلمي كان حلمي اصير دكتورة دماغ وانقل امعاء اخواني لأدمغتهم لا امزح بس كان حلمي اصير دكتوره واثبت لابوي اني احسن خليفه له لانه كان من تيم الي يفضلوا العيال ع البنات المهم من بعد هذا كله الكسل سيطر ع حياتي المشكله احاول افتح الكتاب اسوي جدول م اقدر التزم يعني عادي اقعد اطالع السقف ساعات والكتاب مفتوح ابي انجح ي جماعه ابي اتفوق بس مخي مو راضي يشتغل والكسل مو راضي يستقيل عن حياتي .. ياليت الكسل وقف عند دراستي لا ذا مسيطر ع حياتي كلها مسيطر ع سستم حياتي كله ممشيني مسطرهه حتى الاكل اتكسل اكل وانام ! في يومين كملتهم ع وجبتين بس! كل وقتي فوق سريري المشكله مخي يقول قومي بس جسمي يقول لا ومرات العكس احس ايرور
عندي هم مشكله بعيني ، عيني تحب تبكي كثير اقول لامي اي سالفه عاطفيه نبرتي تتغير واحس بصيح خاصة اذا جيت ابرر مستحيل م ابكي ، مرات للامانه ابكي لاني اكسر خاطري احس حرام م استاهل ،. ادري الحين تقولون هذا شيء طبيعي وانتي طبيعتك حساسه بسسس لا انا مو حساسه الوضع صار كذا بعد وفاة ابوي خلاص صايرهه بكايه الله يفشلني والخجل الي م اعرفه صرت مصابه فيه تخيلوا م اقدر اسأل بالكلاس ! خيرر اقعد اصارع نفسي عشان أسأل ! يعني اشياء تافهه تافه واحس تنكد علي لانها م تعكس شخصيتي ابدا!!! هذي نوت مي !! احسها مو انا.
دقيقه ع بالكم خلصت مسيرة مشاكلي هه فيني الأيلوروفوبيا بالبدايه كنت اخاف لما اشوفهم بشارع بس الحين تطور صرت اخاف اشوف صورهم! تجيني قشعريره ححرفيا رععب اذا شفتهم بشارع اغير طريقي حتى لو كان الطريق اطول اهم شيءٍ اقعد كثر م اقدر وصار اكثر من موقف حسيت خسرت فيه برستيجي فا لازم اتخلص منها عشان اعيش حياتي القطط مو ديناصورات م رح تنقرض ابي حل اتعايش معهم .
الخلاصه:
ابي علاج للكسل و الدموع والخجل واللامبالاة وفوبيا الهرره
وكيف اقنع نفسي ان العالم حقيقي.
